[#東京奧運] 今屆奧運我嘅焦點之一，係睇 #吳諾弘🤺。呢位童星演員2015年開始全力投入訓練，今朝代表香港，夥拍 #張小倫、#張家朗、#蔡俊彥 出戰男子花劍團體賽，對戰世界排名第4嘅俄羅斯。
[初賽]
一直話要「各位師兄carry」嘅21歲吳諾弘首次喺奧運亮相，就成為今場賽事嘅驚喜，曾經喺分段細分拎到7：5成績，媲美張家朗8：5分段得分👍🏻🎊
港隊最後以39：45不敵俄羅斯，與埃及爭第7名。
[第7-8名次賽]
喺男子花劍團體7-8名次賽，吳諾弘喺第三回合出戰時右大脾抽筋，力戰下以細分4-8輸咗畀埃及，港隊繼續以總分領先。
第五回合再出擊，吳諾弘慢咗落嚟，但得分反而更多，成功勝出回合，總分25-15領先埃及。
第七回合，吳諾弘以5-1勝出，港隊總分以35-17領先。
港隊最後以45-21輕取埃及，奪得東京奧運男子花劍團體第七名。
Search